1º paso:CONTIDO e ASPECTOS BÁSICOS de FORMATO

ANTES DE COMEZAR: debedes crear unha carpeta que se chama "PRESENTACIÓN". Dentro dela crear un documento de IMPRESS que se chame "Quen son". 

Hoxe debemos ter rematado:

1. Todo o CONTIDO da nosa pequena presentación: texto e imaxes. É  moi recomendable facer antes, en papel, un pequeno guión coas ideas que teñamos para ilas ordenando.  
   • Lembrade escoller ben o texto, non poñer de máis (mellor tipo telegrama, empregar viñetas, listas...)
   • Escoller imaxes sinxelas, graciosas (se ben a conto), de cores vivas (pero que non lle quiten protagonismo ao texto)
   • Lembrade que non debedes escribir "todo" o que lle queredes contar ao público. Esa será a vosa tarefa ao estar falando!! (encher os ocos).
   
   
2. Respecto ao FORMATO hoxe teremos que decidir:

• Deseño de diapositiva para cada unha (título xeral, índice, 2 columnas...). Dependerá do contido que vai ir nela. 
• Seleccionar a cor de fondo da presentación (pode ser unha soa ou varias). Mellor unha soa, ha de ser un documento "serio".
• Taen será importante o tamaño da letra escollida.Na medida do posible que sexa o  mesmo en todas.

Agora non é o momento de darlle efectos nin engadir elementos "extra". Iso farémolo nas próximas clases.

Puntos que debe conter a miña presentación

Antes de nada tede diante e RECORDADE as notas que tomamos o outro día!!!

• Importancia do nº de diapositivas en función do tempo dispoñible
• Letra escollida: tipo e tamaño (tendo en conta o tamaño da clase na que ides expoñer)
• As cores (non queremos o arco da vella). A cor do fondo (contraste entre fondo e letra)
• Frases curtas (é unha presentación, non un texto que ides ler)
•  Imaxes (as "necesarias", nin máis da conta nin que se boten en falta)
• A estructura da presentación (partes)
• ... (volvede ler a vosas notas se non lembrades todo o que contaben as webs do outro día)

 
Os apartados que debe conter a presentación son:

1. DATOS XERAIS (introdución)
2. OS MEUS PUNTOS FORTES
3. OS MEUS PUNTOS FEBLES
4. MOMENTOS IMPORTANTES NA MIÑA VIDA
5. O MEU FUTURO
6. DESPEDIDA (conclusión)

Mans á obra!! 
Recordade que se trata de captar a atención do público, que nos poidan apartar os ollos e a atención de vós! 

PRIMEIRA PRESENTACIÓN

PROGRAMAS:

Máis adiante comentareivos outros programas que vos poden resultar interesantes, pero por agora traballaremos con IMPRESS de OpenOffice. É  moi similar ao POWER POINT de Microsoft, que pode que alguén coñeza xa.

Hai outros programas on-line moi interesantes, pero o tempo limítanos, así que vos deixarei unha lista deles e quen teña tempo que investigue!

QUÉ DEBEMOS FACER HOXE: 
Despois de ler con calma e atención os artigos suxeridos na anterior entrada crearemos unha primeira presentación para irnos familiarizando co programa. Debedes contar en 3 min aproximadamente quen sodes. Recordade a estructura que se indica na segunda web.

PRESENTACIÓNS

Neste trimestre imos aprender a facer unha presentación. Hai dous aspectos importantes:
a) CÓMO FACELA (con que programas, como  manexar as diferentes opcións que ofrece...)

b) CÓMO FACELA (que NORMAS debes seguir para que quede BEN)

Empecemos por ler estas suxerencias 
Tamén son interesantes os consellos desta web

BANCOS DE IMAXES, SONS e VÍDEOS

Unha páxina do ministerio, con imaxes, sons, vídeos... tamén con licenzas libres:
http://recursostic.educacion.es/bancoimagenes/web/

Se queredes descargar VÍDEOS tedes varias:

VÍMEO: vídeos que se poden filtrar por licenza

Vídeos de Common Craft (moitos deles con licenzas CC). Moitos son de contidos educativos.

YouTube? Na última versión querían incorporar un filtro para buscar vídeos especificando dereitos.

Máis web de IMAXES:

www.wpclipart.com (hai que buscar en inglés, pero trae moitas imaxes)

Wikimedia

Flickr

MorgueFile

Nesta web o creador danos máis enlaces onde localizar imaxes sen problemas de dereitos de autor:
http://wwwhatsnew.com/2012/10/15/sobre-bancos-de-imagenes-gratuitos/

BUSQUEDA DE IMAXES

Como sempre en internet aparecen DEMASIADAS cousas así que temos que aprender técnicas para poder ir máis rápidas. 
O mellor é usar FILTROS.
Cando se trata de imaxes na esquina superior dereita podedes ver este símbolo:


cando lle dades desprégase este menú:

Se facedes clic en BUSQUEDA AVANZADA hai varias opcións interesantes que é importante coñecer:
Podedes filtrar as imaxes por tamaño. Moitas veces necesitamos unha imaxe con certa calidade, así que para non perder o tempo podedes seleccionar imaxes "grandes" ou dun tamaño "decente".  Así as miniaturas non volas ensinaría.

Outra ferramenta interesante é seleccionar o tipo de LICENZA que teñen as imaxes. Os DEREITOS DE AUTOR han de ser respectados e se unha persoa non quere que se use unha imaxe que é a da súa propiedade non debemos facelo:



Agora proba todas estas opcións.

Modificando un documento. O FORMATO

Recordade as "perrerías" que lle temos que facer ao documento que hoxe estivemos copiando:
F11 antes de nada para que apareza a fiestra de formatos!! RECORDADE que TODO se ha cambiar dende aquí.

INDICARLLE AO PROGRAMA QUE PALABRAS SON TÍTULOS:
Situar no cursor na liña que quieramos e facer dobre clic na fiestra de formatos sobre "encabezado 1".
Repetir este proceso con todas aquelas liñas que sexan un título (no noso caso hai 3).
MODIFICAR O FORMATO QUE O ORDENADOR LLE DÁ POR DEFECTO:
Sobre a palabra "Encabezado 1", clic co botón dereito, "Modificar". Aí temos moitas pestanas onde podemos cambiar diferentes aspectos do texto:
a) cambiade a cor
b) cambiade o tamaño da letra
c) cambiade o espazo co parágrafo superior (poñédelle por ejemplo 1cm)
 QUÉ É "TEXTO NORMAL":
Ao texto normal a fiestra anterior chámalle "predeterminado". Aquí tamén debemos cambiar o seu formato, para que así o cambie automaticamente en todo o documento:
a) facede que o texto esté xustificado
b) facede que a primeira liña de cada parágrafo se meta un pouquiño para dentro (1cm)
c) cambiade o tipo de letra e poñede "Arial".
CREAR O ÍNDICE AUTOMÁTICO:
Agora a ver se vos sae o índice automática (sairavos se definistes ben os títulos).
Antes de nada poñede o cursor onde queredes que apareza o índice. 
Ide a INSERTAR > ÍNDICES > ÍNDICES E TÁBOAS.

Limitade o nivel dos títulos a "3" (aparecerían ata os sub-sub-títulos en caso de telos) e dádelle a ACEPTAR.
INSERTAR UN SALTO DE PÁXINA:
Agora insertade un salto de páxina. Facede que todo o texto comece na folla 2 (para que na folla 1 só apareza o índice). ¿Recordades como se facía?
Cando o consigades lembrade "Actualizar o índice" pois cambiaron os números de páxina nos que aparecen os títulos.

Captura de pantalla

En clase acabamos de ver cómo se pode capturar a imaxe do que hai en pantalla (non sempre é posible gardar o que vemos no noso monitor, ás veces hai imaxes que non nos deixan descargalas no disco duro, queremos facer unha copia dunha ventana que nos acaba de aparecer...).
Por se alguén se esquece aquí queda un enlace onde podedes recuperar os pasos:
http://windows.microsoft.com/es-es/windows-xp/help/setup/take-a-screen-shot

No libro de Dragal, cando Mónica está  buscando a imaxe do dragón do medallón acaba por perdela porque non lle deixa copiala (de feito, desaparece). Ten que volver a facer a busca (que lle leva unha hora) e decide facer unha captura de pantalla para non volver a perdela. Así pode imprimila directamente despois de gardala nun programa axeitado. Fai ti o mesmo:

• Busca unha imaxe dun dragón, captúraa e gárdaa empregando o programa Paint. Recorda que podes recortar o anaco que che interese, pois captura TODO o que hay na pantalla. Debes gardala con formato "jpg" y dándolle por nome "Dragal". Gárdaa na túa carpeta. 
• Agora grada a imaxe directamente dende a opción "Gardar imaxe como..." que aparece ao facer clic co botón dereito enriba dela. Gárdaa na túa carpeta co nome que apareza por defecto.

Retomando as actividades. Luns 4 de novembro

Por fin parece que teremos unha clase normal...

Retomemos a tarefa 3. Collamos o texto das nosas primeiras impresións e copiemos o que nel escribimos.
Debédelo copiar non documento de writer "Primeiras impresións" que xa tiñamos creado.
Non podemos darlle ningún formato adicional, isto é:

• NON MODIFICAR TIPO DE LETRA
• NON MODIFICAR TAMAÑO DE LETRA
• NON POÑER SANGRÍAS
• NON CAMBIAR INTERLIÑADO
• NON POÑER NEGRIÑAS...

O contido do voso texto tedes que incluílo en tres apartados cos títulos:
- Sensacións
- Que me gustaría aprender
- Que se facer xa
 A estes títulos non lles deades tampouco formato, só deixádeos nunha liña independente.

Actividades día 7 de outubro

Estas son as tarefas para hoxe:

1ª TAREFA:

• Crear un CARTAFOL ("carpeta") en MIS DOCUMENTOS co seguinte nome: 

PI 1ESOA Nome Apelido
Aquí gardaremos todos os nosos traballos, documentos, arquivos descargados...

• Crear dentro desta carpeta un documento de texto de Open Writer co título:

Primeiras impresións

• Crear un documento dende o programa Open Writer e gardalo despois dentro da carpeta.

Título: Proba 

• Copiar o cartafol dentro do noso pen drive.

2ª TAREFA:

• Responder as cuestións do seguinte test: http://goo.gl/OPQYOo

COPIAR: Ctrl+C

PEGAR: Ctrl+V

3ª TAREFA:
Ir ao documento "Primeiras impresións" e copiar o texto SEN DARLLE NINGÚN FORMATO: nin cores, nin negriña, nin sangrías, nin espazos, nin tabuladores...

Saúdos e normas

Bos días a todos:
Os de 1º de ESO A recordade: eu son ANXOS, non Susana. Susana é a profe que lle da aos outro dous 1º de ESO.
Despois das presentacións recórdovos aquí as normas máis importante das que falamos hoxe:

1. Está TOTALMENTE PROHIBIDO entrar en calquera rede social durante a hora de clase. Facelo suporá a expulsión da clase acompañada dun parte de incidencias. 
2. Está TOTALMENTE PROHIBIDO entrar en ningunha páxina cuxo contido non teña que ver co se está a facer nese momento na aula. 
3. Debedes manter os sitios que vos asignei durante todo o curso (agás que eu indique o contrario).
4. Ao comezar a clase debedes revisar que o voso equipo está en perfectas condicións. En caso de atopar algo anómalo (raro) avisade á profe ao momento.
5. É obrigatorio traer un pendrive ás clases. Capacidade mínima recomendada: 4Gb. NON se admitirán discos duros externos ou outros dispositivos. Todos os días deberedes gardar o traballo da sesión no pendrive.
6. Todos os traballos que se vaian facendo haberá que gardalos nunha carpeta convenientemente creada e identificada no disco duro do ordenador. Todo o que estea fóra desa carpeta pode ser borrado sen ningún aviso previo.
7. Acéptanse suxerencias, comentarios e interrupcións sempre que sexan constructivas, feitas de xeito educado e expresadas con corrección.